សមត្ថកិច្ចឃាត់ខ្លួនជនជាតិអង់គ្លេស ករណីបង្កហិង្សាដោយចេតនា
01-November-2019 | ដោយ ពលមនសិការ
សៀមរាប៖ កាលពីវេលាម៉ោងប្រហែល០១នឹង៥០នាទីរំលងអាធ្រាត្រឈានចូលថ្ងៃទី០១ ខែវិច្ឆិកា ឆ្នាំ២០១៩ នៅលើផ្លូវមាត់លូ ភូមិស្ទឹងថ្មី សង្កាត់ស្វាយដង្គំ ក្រុង/ខេត្តសៀមរាប ជនបរទេសម្នាក់បានធ្វើសកម្មភាពយកដបស្រាវាយទៅលើជនរងគ្រោះ ត្រូវចំថ្ពាល់ខាងស្តាំ និងស្មារខាងស្តាំ បណ្តាលឲ្យបែកហូរឈាម ត្រូវបានសមត្ថកិច្ចយើងជួយអន្តរាគមន៍និងឃាត់ខ្លួនជនសង្ស័យបញ្ជូនមកសាកសួរនៅស្នងការដ្ឋាននគរបាលខេត្ត។
ជនសង្ស័យឈ្មោះ DOWNER JARED MARTIN ភេទ ប្រុស កើតថ្ងៃទី៣០-០៨-១៩៨៩ ជនជាតិ អង់គ្លេស មុខរបរគ្មាន ស្នាក់នៅសណ្ឋាគារ Siem Reap Chilled Backpacker ភូមិវត្តបូព៌ សង្កាត់សាលាកំរើក ក្រុង/ខេត្តសៀមរាប(មានសារធាតុញៀន)។
ជនរងគ្រោះឈ្មោះ អឿត សំណាង ភេទ ប្រុស អាយុ ២៧ឆ្នាំ ជនជាតិ ខ្មែរ មុខរបរ អ្នករត់រ៉ឺម៉កម៉ូតូកង់បី ទីលំនៅភូមិ ជ្រាវ សង្កាត់ ជ្រាវ ក្រុង/ខេត្តសៀមរាប។
បច្ចុប្បន្នជនបរទេសរូបនេះត្រូវបានលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាបសម្រេចឲ្យឃាត់ខ្លួនបណ្តោះអាសន្ននៅស្នងការដ្ឋាននគរបាលខេត្ត ដើម្បីបន្តការសាកសួរនិងរៀបចំកសាងសំណុំរឿងបញ្ជូនទៅសាលាដំបូងខេត្តដើម្បីអនុវត្តនីតិវិធីបន្ត៕
ចំនួនអ្នកទស្សនា
- ថ្ងៃនេះ7101
- ម្សិលមិញ20231
- សប្តាហ៍នេះ86181
- ខែនេះ108061
- ឆ្នាំនេះ108061
- សរុប20550517